मधुमित्र

मासिक 'मधुमित्र' :
मधुमित्र हे द्वैमासिक गेली २६ वर्षे संस्थेतर्फे प्रकाशित केले जात होते. त्याची उपयुक्तता लोकांना पटल्यामुळे व लोकप्रियता वाढल्यामुळे द्वैमासिकाचे रुपांतर मे २०१३ पासून मासिकात करण्यात आले आहे. "सकाळ " समूहातून नुकतेच निवृत्त झालेले श्री. विजय सबनीस यांनी व्यवस्थापकीय संपादक म्हणून मदत करण्याचे मान्य केल्यामुळे व त्यांच्या इतर सहकाऱ्यांचे मदतीने मासिक मधुमित्रचे सभासद वाढत आहेत. मासिकाचे स्वरूपही बदलले आहे.

मासिके :
एप्रिल २०१९ मार्च २०१९
       
नोव्हें/ डिसें २०१८ ऑक्टोबर २०१८ सप्टेंबर २०१८ ऑगस्ट २०१८
       
जुलै २०१८ जून २०१८ मे २०१८ एप्रिल २०१८
       
मार्च २०१८ फेब्रुवारी २०१८ जानेवारी २०१८
       
मार्च २०१७ जानेवारी २०१७ डिसेंबर २०१६ नोव्हेंबर २०१६
       
मार्च २०१७ जानेवारी २०१७ डिसेंबर २०१६ नोव्हेंबर २०१६
       
मार्च २०१७ जानेवारी २०१७ डिसेंबर २०१६ नोव्हेंबर २०१६
       
 
डिसेंबर २०१५ ऑगस्ट २०१५ जून २०१५  
       
एप्रिल २०१४ मार्च २०१४ फेब्रुवारी २०१४ जानेवारी २०१४
       
डीसेंबर २०१३ नाव्हेंबर २०१३ ऑक्टोबर २०१३ सप्टेंबर २०१३
       
ऑगस्ट २०१३ जुलै २०१३ जुन २०१३ मे २०१३

मधुमित्र वाटचाल :
मधुमेहींना मराठीतून सोप्या भाषेत मधुमेहाविषयी माहिती देणारे त्रैमासिक संस्थेतर्फे सुरु करण्याचा महत्वाचा उपक्रम १५ ऑगस्ट १९८७ रोजी सुरु झाला. या त्रैमासिकाचे पहिले नाव 'मधुस्नेह' असे होते. संपादक डॉ. रमेश गोडबोले व संपादन सहाय्यक म्हणून डॉ. रमेश दामले, अ‍ॅडव्होकेट बी. एन. श्रोत्री, डॉ. मदन फडणीस, श्री. र. पां. देशपांडे व सौ. नीता आंबेकर (कुलकर्णी ) यांची नियुक्ती केली होती. अंकाची सजावट श्री. शाम देशपांडे व श्री. च. ह.पाटील यांनी केली. शुभारंभाच्या अंकाचे अनावरण मुंबईचे प्रसिध्द मधुमेह तज्ञ व डायबेटिक असोसिएशन ऑफ इंडियाचे संस्थापक डॉ. श्री. झां आजगावकर यांचे हस्ते मोठया दिमाखात करण्यात आले. समारंभाचे अध्यक्षस्थान महाराष्ट्र विधानसभेचे अध्यक्ष व केसरीचे संपादक श्री. जयंतराव टिळक यांनी भूषविले होते. सरकारी नोंदणी नियमानुसार भारतात एका नावाच्या दोन मासिकांना परवानगी मिळू शकत नसल्यामुळे त्रैमासिकाचे नामांतर "मधुमित्र " असे १५ फेब्रुवारी १९८८ पासून करण्यात आले.

संपादन सहाय्यक म्हणून कार्य करणारे पुण्यातील प्रसिध्द अ‍ॅडव्होकेट श्री. बी. एन. श्रोत्री यांचे मासिकाचे पहिले वर्ष पूर्ण होण्यापूर्वीच एकाएकी निधन झाले. त्यांचे जागी सौ. मंदाकिनी अवचट कामात मदत करू लागल्या.


"मधुमित्र" व देशपांडे कुटुंबीय :
मधुमित्रच्या वाटचालीत अनेकांनी मदत केली आहे. परंतु देशपांडे कुटुंबियांचे योगदान अनन्यसाधारण आहे. त्यामुळे त्याविषयी स्वतंत्रपणे लिहिल्याशिवाय मला रहावत नाही. मधुमित्रच्या गेल्या २६ वर्षाच्या वाटचालीत पहिल्या दिवसापासून ते आजपर्यंत ज्यांनी आपले योगदान दिले त्या देशपांडे कुटुंबियांचे ऋण कधीही विसरता येणार नाहीत. श्री. र. पां. देशपांडे संस्थेचे सभासद होते. त्यांचा छापखाना शनिपाराजवळ होता. पूर्वी संस्थेच्या मासिक व्याख्यानांची माहिती व वर्गणी संपल्याची स्मरणपत्रे संस्थेचे सेवक हाताने पोस्टकार्डावर लिहून पोस्ट करीत असत. त्यावेळी सभासदांची संख्या कमी असल्यामुळे ते शक्य असले तरी कष्टाचे होते. एकदा हे काम चालू असतांना श्री. देशपांडे त्यांच्या तपासणीसाठी असोसिएशनमध्ये आले होते. संस्थेचे सेवक हाताने पत्रे लिहित आहेत हे पाहून त्यांनी अशी पत्रे विनामूल्य छापून देण्याची तयारी दाखविली.तेव्हापासून 'मधुमित्र ' मासिकाची सुरुवात होईपर्यंत असोसीएशनची सर्व मासिक पत्रे त्यांनी विनामूल्य छापून दिली आहेत.

मधुमित्र त्रैमासिकाचे रुपांतर मासिकात होईपर्यंत म्हणजे पहिली २६ वर्षे श्री. र. पां. देशपांडे व त्यांच्या हयातीनंतर त्यांचे सुपुत्र श्री. शाम देशपांडे यांनी मधुमित्र छपाई, सजावट व वितरण असे सर्व काम माफक दरात, आत्मीयतेने व वेळेत पूर्ण केले आहे. श्री. शाम देशपांडे हे स्वतः उत्तम चित्रकार व छायाचित्रकारही आहेत. त्यांच्या पत्नी सौ. वैजयंती देशपांडे (चित्रपट महर्षी दादासाहेब फाळके यांची नात) यांनी सर्व मजकुराचे डी. टी. पी. कम्प्युटरवर करण्याचे किचकट काम अतिशय उत्तम प्रकारे केले आहे. संस्थेची इतर छपाईची कामे इतर आर्टवर्कसह श्री. शाम देशपांडे सातत्याने करीत आले आहेत. संस्थेची सर्व पुस्तके व पुस्तिकांची कामेही त्यांनी फार कष्ट घेऊन केली आहेत. संस्थेच्या सुवर्ण महोत्सवाच्या स्मरणिकेचे कामही त्यांच्यावरच सोपविले आहे. त्यांची सुविद्य कन्या सौ. राधिका थत्ते या देखील संस्थेच्या कामात सहभागी झाल्या आहेत. एका संस्थेमध्ये सातत्याने तीन पिढ्यांनी आपले योगदान देण्याचे हे दुर्मिळ उदाहरण आहे. देशपांडे कुटुंबियांचे कौतुक करण्यासाठी माझेजवळ शब्द नाहीत. संस्था त्यांची कायम ऋणी राहील .


मधुमित्र मासिकात जाहिरात देणे
आपली किंवा आपल्या परिवारातील कोणाचीही संस्थेच्या सभासदत्त्वाची वर्गणी भरणे.
(सर्व सभासदांना ’मधुमित्र’ मासिक दर महिना विनामू ल्य पाठविण्यात येते.)
वार्षिक सभासदत्व शुल्क : रु. ४००/-
तहहयात सभासदत्व शुल्क : रु. ४०००/- (मधुमित्र मासिक पहिली तीन वर्षे विनामुल्य पाठविण्यात येईल.)
तहहयात पती-पत्नी संयुक्त सभासदत्व : रु. ७०००/- (मधुमित्र मासिक पहिली पाच वर्षे विनामुल्य पाठविण्यात येईल.)
तहहयात दाता सभासदत्व : रु. २०,०००/- किंवा जास्त. (देणगीमूल्यावर इनकमटॅक्स्‌ ८० जी कलमान्वये ५०% कर सवलत.)’मधुमित्र’ मासिक पुढील १० वर्षे विनामूल्य.
’मधुमित्र’ मासिकाचे वर्गणीदार होणे किंवा इतरांना भेट म्हणून एक वर्षाची वर्गणी भरुन मासिक पाठविणे. वार्षिक वर्गणी: रु. ३००/-

 

 
Site Designed by Brainlines